Narito ang mga kapana-panabik at kaabang-abang
na mga segmento ng programang
‘Gising na, Bangon na!’
ULAT PANAHON – Inihahatid ng Weather Girl ng DzEC na si Kukay Tarrayo – Ulat hinggil sa magiging lagay ng panahon sa maghapon
sa Kalakhang Maynila, mga karatig-lalawigan at iba pang bahagi ng bansa.
GOOD NEWS MUNA – Si Kukay din ang naghahatid nito – Ito ay mga balitang may kinalaman sa magagandang bagay, kalimitan ay mga
istorya ng tagumpay ng bawat isang indibidwal o grupo, organisasyon, mga proyekto o kampanya ng gobyerno.
MGA BALITANG PANGGISING – Si Lor Tiu at Gen Subardiaga ang maririnig sa bahaging ito – Kalipunan ito ng unang bugso ng mga balita na
kinapapalooban ng mga sumusunod na elemento: Ulo ng mga Balita, Detalye ng mga Balita, Metro News, Provincial News, Balitang
Abroad at Balitang Sports.
PUBLIC SERVICE NA WALANG KAPARIS – Mga kaagapay ng programa mula sa Meralco, Maynilad, Manila Water at iba pang mga ehensiya para sa paghahatid ng serbisyo
publiko – Iniaanunsiyo sa bahaging ito ang mga naka-talagang pagkawala o pagka-antala ng kuryente o tubig at iba pa
BALITANG KUKAY – Si Kukay uli ito – Mga balitang artista at showbizness, pero pawang katotohanan lamang at walang halong
tsismis.
PRESYO PALENGKE – Inihahatid ng mga Radyo Agila Correspondents na sina Ed Mercadejas at Rober Ramiro – Pagtugaygay ng mga Agila
sa presyo ng mga pangunahing bilihin sa iba’t-ibang pamilihan sa Kalakhang Maynila, mga karatig lalawigan at iba pang
panig ng bansa.
BAHAY-BUHAY – Si Liza Flores naman ang bida sa bahaging ito – Ito ay may kinalaman sa mga Tips sa iba’t-ibang bagay
na may kinalaman sa tahanan
MGA BALITANG DUMADAGUNDONG – Ang tambalang Lor Tiu at Gen Subardiaga pa rin ang rumaratsada sa bahaging ito ng programa – Kalipunan ito
ng ikalawang bugso ng mga balita na kinapapalooban ng mga sumusunod na elemento: Isa o dalawang linya mula sa mga Headlines
ng mga pangunahing Diyaryo, mga malalaking balita at mga field reports.
SOCIAL BULLETIN – Si Liza Flores uli ang may-ari ng bahaging ito – Pag-aanunsiyo ng mga okasyon, pagtitipon o mahahalagang pagkakataon
ng iba’t-ibang pribadong organisasyon, grupo, o gobyerno.
BALITANG KAKA – Si Liza Flores din ang humahataw sa segmentong ito ng programa – Ito ay pagbabalita ng lahat ng uri ng KAKA
(kaka-iba, kaka-hanga, kaka-mangha at iba pang KAKA).